Жайықтағы кеме қатынасы — арнаулы ресми мекеме 1925 ж. Еділ кеме қатынасының Оралдағы агенттігі ретінде ашылды. Еділ мен Жайық арасында кеме қатынасы орнады. Орынбор мен Астрахан су жолының ұзындығы 2 мың км-ден асты. Ұлы Отан соғысы кезінде Жайықтағы кеме қатынасы арқылы Орал-Калмыков бағытында стратег. жүктер тасылды. 1960 жылдан Жайық ө-ндегі кеме қатынасына жаңа теплоходтар берілді. Өзен арқылы жолаушылармен қатар, астық, ағаш, мұнай өнімдері, т.б. тасыла бастады.